Reply To: Urdu Poetry

Home Forums Discussion Urdu Poetry Reply To: Urdu Poetry

#11128
admin
Keymaster

safia Khan, (at 7:40PM Monday 18th of June 2007, GMT)

Wah Wah Jon Elia
kisi libaas ki khushboo jab ud ke aati hai
tere badan ki judaii bahut satati hai
tera bagair mujhe chain kaise padta hai
mere bagair tujhe neend kaise aati hai

minnatein hain khyaal ki tere
khoob guzri tere khyaal ke sath
maine ek zindagi basar kar dee
tere naa-deeda khatt-o-khaal ke saaath

saari aql-o-hosh ki aashaiyein
tumne saanchein mein junoon mein dhaal deein
kar lia tha maine ahd-e-tark-e-ishq
tumne phir baahein gale mein daal deein

dil mein jinka nishaan bhi na raha
kyun na chehroN pe ab wo rang khilein
ab to khaali hai rooh jazboN se
ab bhi kya ham tapaak se na milein

mere aur uske darmiyaan ab to
sirf ek roo ba roo ka rishta hai
haaye wo rishta, haaye khamoshi
ab faqat guftagoo ka rishta hai

Jaun Elia